幸福到老方程式

100個人有100種幸福到老的方法
由參與檔主＆表演單位分享他們的《幸福到老方程式》!

“做運動特別體驗到幸福地老，跑步既過程我一點都唔覺得自己係年老，事實上做左運動、跑步之後，病痛都少左……大家不妨黎市集拋或者擲下藥球，體驗一下運動既樂趣。”
—開心大笪地市集檔主「SciMax Sports」黃家豐 & Anson

“幸福地老係我可以搵到音樂，而令我成長。一班人(主要是50歲以上男士)玩音樂，個種樂趣同獨奏係無得比……我地會係市集招收新團員呀!”
—開心大笪地市集檔主「五十男樂團」連家駿 ＆ Patrick

“我地其實唔洗成日都講「老」或者「唔老」，而係我地每一日都係度成長緊，能夠健健康康、開開心心地成長，就係幸福……我會展示一些自己設計的作品，讓你能夠「袋」住快樂。”
—開心大笪地市集檔主「幸福手創」Karen Tang

“如果心中沒什麼事就叫「幸」，身體沒病就叫「福」，當我們年紀大既時候要認老……我地係市集賣運用環保概念的手工，各位來選購我們的物品吧！”
—開心大笪地市集檔主「小可愛藝術創作專門店」Anne Wong、Christine Yau、Bing Chan

“幸福地老係我地既心態同埋接受新事物，如果做到呢兩樣就係幸福地老……我會帶埋拍檔阿Sir黎表演腹語，記得黎支持下。”
—開心大笪地「老友有絕技」表演嘉賓區顯輝

““幸福地老係玩、食、同家人相處。擁有以上幾樣就係幸福，所以我擁有幸福……我會帶來熱騰騰的軟餐試食，希望到時見到你。”
—開心大笪地市集檔主「簡約吞嚥餐 」陳蓮卿

““幸福地老係要感恩上天俾我地健康嘅身體，去做任何一件自己喜歡的事……我會帶備100本自己寫嘅書，送俾有興趣廣播劇的您。”
—開心大笪地市集檔主「德哥工作室」王德全

“幸福地老係一種心態，只要你能夠選擇快樂和感恩的心去接受和面對衰老、生病和死亡，你就會覺得快樂和幸福。……開心大笪地當天11月11日正是器官捐贈日，希望大家能夠響應，弘揚大愛。”
—開心大笪地特色攤位「香港移植運動協會」周嘉歡醫生

“幸福地老係無憂無慮地做自己喜歡做既事，過程之中得到快樂，也可以回饋到社會，幫助到其他人……我希望凝聚更多50+成為扭計骰圖案畫培訓師，一齊拼砌美麗的香港。”
—開心大笪地市集檔主「銀髮健腦學院🧠」唐加威

”其實幸福可以很簡單，重點是自己開心：擁有家人的關愛、身體健康和生活無憂……我會介紹天然自製既艾草油(我媽媽用過都讚好👍)，讓更多老人家都能夠改善抽筋、風濕骨痛即情況。
—”開心大笪地市集檔主「天然不做作」潘鳳如